சுவிட்சர்லாந்தில் பயிற்சி விமானமொன்று வீழ்ந்து நொருங்கியதில் மூவர் பலி!

சுவிட்சர்லாந்தில் பயிற்சி விமானமொன்று விபத்துக்குள்ளானதில் அதில் பயணித்த மூன்று பேர் உயிரிழந்துள்ளனர்.

இவ்விபத்தானது சார்னென் தொழிற்சாலை பகுதியில் நேற்று மாலை 5 மணியளவில் ஏற்பட்டது. இவ்விபத்தின்போது இருவர் சம்பவ இடத்திலேயே உயிரிழந்ததுடன், மற்றொருவர் காயமடைந்த நிலையில் உலங்கு வானூர்தி மூலம் மண்டல வைத்தியசாலைக்கு எடுத்து செல்லப்பட்டார்.

எனினும் சிகிச்சை பலனளிக்காது அவரும் உயிரிழந்ததாக பொலிஸார் தெரிவித்துள்ளனர்.

இதற்கு சீரற்ற காலநிலையே காரணம் என ஆரம்பகட்ட விசாரணைகளில் தெரியவந்துள்ளது. மேலும் இவ்விபத்து தொடர்பான விசாரணைகளை பொலிஸார் தொடர்ந்தும் மேற்கொண்டு வருகின்றனர்.