ஹங்வெல்ல - கிரிந்திவெல்ல வீதியில் ஒவிட்டிகம பிரதேசத்தில் இடம்பெற்ற வாகன விபத்தில் காயமடைந்த 10 பேர் மேலதிக சிகிச்சைகளுக்காக கொழும்பு தேசிய வைத்தியசாலைக்கு மாற்றப்பட்டுள்ளனர். பஸ் ஒன்றும் டிப்பர் வண்டி ஒன்றும் நேருக்கு நேர் மோதுண்டதில் இவ் விபத்து நேற்று (09) மாலை இடம்பெற்றுள்ளது.விபத்தில் காயமடைந்த ஆண்கள் ஐவரும் பெண்கள் ஐவரும் தொம்பே வைத்தியசாலையில் அனுமதிக்கப்பட்டதன் பின்னர் மேலதிக சிகிச்சைகளுக்காக கொழும்பு தேசிய வைத்தியசாலைக்கு மாற்றப்பட்டுள்ளனர்.
இவ் விபத்தின்போது பஸ்ஸில் பயணித்த 10 பேரே காயமடைந்துள்ளனர்.
இவர்கள் மாத்தறை பிரதேசத்திலுள்ள கலா மன்றம் ஒன்றின் ஆசிரியர்களும் மாணவர்களும் என பொலிஸார் தெரிவித்தனர்.
இவர்கள் யாழ்ப்பாணம் நோக்கி பயணித்துக் கொண்டிருக்கும்போது இவ் விபத்து நேர்ந்துள்ளது.
இவ் விபத்து தொடர்பில் டிப்பர் வாகன சாரதி கைது செய்யப்பட்டுள்ளார்.
0 comments:
Speak up your mind
Tell us what you're thinking... !